د بښنې نړیوال سازمان عراق کې پر ترهګرۍ د تورنو ۱۱ کسانو اعدامېدل غندلي
- 6 مياشتي دمخه (25/04/2024)
- سمسور نیوز
- 236
د بښنې نړیوال سازمان په عراق کې د هغو ۱۱ تنو اعدامېل غندلي، چې د ترهګري پېښو کې په لاس لرلو محکوم شوي وو.
یاد سازمان ویلي چې پر اعدام شویو کسانو لږېدلي تورونه غټ او ناڅرګند وو.
په همدې حال کې د بشري حقونو ډلې ویلي چې په عراق کې محکمې له بېړې کار اخلي او په ځینو حالتو کې له تورنو کسانو څخه په زوره اعتراف اخېستل کېږي.
د یادونې ده چې د عراق امنیتي مسوولینو ویلي چې د ترهګرۍ په پېښو کې په لاس لرلو محکوم ۱۱ تنه یې اعدام کړي دي.
یاد کسان د صلاح الدین ولایت اوسېدونکي وو، چې تر اوسه یې د ۷ تنو جسدونه خپلو کورنیو ته سپارل شوي دي.
ویل کېږي، چې دوی له داعش ډلې په لاس لرلو تورن وو.