حامد کرزی: د نجونو زدکړې د افغانستان لپاره حیاتي مسئله ده
- 6 مياشتي دمخه (26/04/2024)
- سمسور نیوز
- 217
د هېواد پخواني جمهور رییس حامد کرزي یو وار بیا د نجونو زدکړې د افغانستان لپاره حیاتي مسئله بللې ده.
نوموړي تېره ورځ د افغانستان لپاره د ایران له سفیر او ځانګړي استازي حسن کاظمي قمي سره په لیدلي چې د افغانستان او سیمې پر اوسني وضعیت یې خبرې کړې دي.
د کرزي پر ایکس پاڼه لیکل شوي چې نوموړي په دې لیدنه کې سوله او ثبات د سیمې په ګټه بللی دی.
هغه دغه راز په بېلابېلو برخو کې له ایران سره د افغانستان له همکاریو مننه کړې.
حامد کرزي تر دې وړاندې هم د نجونو زدکړې د یو پرمختللي افغانستان لپاره مهمې بللې دي.