سمسور

پر تل ابیب یمني مسلح ځواکونو برید کړی

• 3 مياشتي دمخه (19/07/2024)
• عبدالبصیر رحمت زی
• 125

سریع وایي، پر تل ابیب مو د يافا نومي ډرون په واسطه برید وکړ 

د یمن د مسلح ځواکونو ویاند ویلي، چې پر تل ابیب برید یې د نوې یافا نومي ډرون په وسطه کړی، چې رادارونه یې د کشفولو توان نه لري.

یحیی سریع پخپل یو بیان کې ویلي چې تل ابیب یوه ناامنه سیمه ده او د دوی د بریدونو اصلي هدف به وي.

هغه زیاته کړې چې د فلسطین د مظلوم ولس او د مجاهدینو څخه به د یمن ملاتړ لا دوام وکړي.

دا بیان وروسته تر هغه خپور شو چې اسراییلو په تلابیب کې د هوایي ډرون له راغورځېدلو  وروسته د امریکا سفارت ته نېږدې له چاودنې خبر ورکړ.