سمسور

میدان وردګ او هرات کې ۱۲ کسانو ته مرګ ژوبله اوښتې

• 2 مياشتي دمخه (24/09/2024)
• شریف الله وليزاد
• 95

په میدان وردګ او هرات ولایتونو کي د درېیو جلا، جلا ترافیکو پېښو له امله یو کس وژل شوی او ۱۱ تنه نور ژوبل شوي دي.

د راپورونو پر اساس، لومړۍ دوې پېښي د میدان وردګ د سید آباد ولسوالۍ په ډاګ بغرۍ او لوړې سیمو کې د سراچې او کرولا او فلډر او موټر سایکل د ټکرونو په نتیجه کې رامنځته شوي او له امله يې شپږ کسان ژوبل شوي دي. 

د یاد ولایت د اطلاعات او کلتور ریاست وايي، دا ترافیکي پېښي تېره ورځ د کابل- کندهار پر لویه لاره رامنځته شوي او ټپیان د یاد ولایت روغتون ته لېږدول شوي دي. 

د یوه بل خبر له مخې، په هرات کي هم د یوې ترافیکي پېښې له امله یو کس وژل شوی او پنځه تنه نور ژوبل شوي دي.

دا پداسې حال کې ده، چې دوې ورځې وړاندې په لغمان کې د کابل- جلال آباد پر لویه لاره هم د درېيو ترافیکي پېښو له امله ۵۳ کسانو ته مرګ ژوبله اوښتې وه.