سمسور

سرپل کې چاودنې ۵ ماشومانو ته مرګ ژوبله اړولې

• 2 مياشتي دمخه (05/10/2024)
• شریف الله وليزاد
• 63

د سرپل ولایت مقام مطبوعاتي دفتر خبر ورکړی، چې په د دغه ولایت په صیاد ولسوالۍ کې د یوې سرګُلولې د چاودولو له امله درې ماشومان وژل شوي او دوه نور ژوبل شوي دي. 

یاد دفتر په یوه خبرپاڼه کې لېکلي، چې چاودنه تېره ورځ د یادې ولسوالۍ په قفلان سیمه کې پر ماشومانو د لوبو کولو پر مهال شوې ده. 

د دغه خبرپاڼې له مخې، ژوبل شوي ماشومان د سیمې نږدې روغتیايي مرکز ته لېږدول شوي او روغتیايي حالت یې نازک ښودل شوی دی.

د روان ۲۰۲۴ زېږدیز کال په اپرېل میاشت کې د ملګرو ملتونو سیاسي دفتر (U.N.A.M.A) ویلي و، چې په افغانستان کې د ناچاودو ماینونو د چاودنو له امله له تېرو درو لسیزو راهیسې شاوخوا ۴۴ زره افغانان وژل شوي دي.