سمسور

فیدان: د ایران پر وړاندې له هیڅ یو برید دفاع نه کوو

• 2 اونۍ دمخه (18/10/2024)
• عبدالبصیر رحمت زی
• 50

د ترکیې د بهرنیو چارو وزیر د ایران او اسرائیلو تر منځ د جګړې د پېښېدو له زیات امکان خبر ورکړی دی. 

هاکان فيدان له ګلوبل ټلويزیوني شبکې سره په خبرو کې ویلي چې د ایران او اسرائیلو تر منځ د جګړې د پېښېدو امکان ډېر زیات دی او په وینا یې سیمه او ترکیه باید تیار اوسي. 

فیدان زیاته کړې، چې هېواد يې په سیمه کې د جګړې د پراخېدو ملاتړ نه کوي او د ایران پر وړاندې له هیڅ برید به دفاع ونه کړي. 

نوموړي همداراز ویلي چې ایران کولای شي له ځان مشروع دفاع وکړي او دا دوی حق دی.