سمسور

ترکي شرکت د ۲۰۰ ميګاواټه برېښنا پر تولید پانګونه کوي

• 1 مياشت دمخه (30/10/2024)
• عبدالبصیر رحمت زی
• 50

۷۷ ترکي شرکت غواړي چې په هرات کې د ۲۰۰ مېګاواټه بادي برېښنا په برخه کې پانګونه وکړي. 

د اوبو او انرژۍ وزارت خبر ورکړی چې د ۷۷ نومي ترکي شرکت رئیس سلیمان جيلیو د یاد وزارت له سرپرست ملا عبداللطیف منصور سره په لېدنه کې د کجکي بند د دویم فاز په پروژې کې د پرمختګ په اړه هم خبرې کړې دي. 

منصور یاد ترکي شرکت ته د هرات د ۲۰۰ مېګاواټه برېښنا د پروژې په اړه د زمېنې د برابرولو ډاډ ورکړی او په خبره یې نږدې راتلونکي کې به یې د دواړو لورو لخوا تړون لاسلیک شي.