کندهار کې د یوه چیک ډېم جوړولو کارونه پیل شوي
- 1 مياشت دمخه (05/11/2024)
- شریف الله وليزاد
- 43
د ملګرو ملتونو د پراختیايي پروګرام (U.N.D.P) په مالي ملاتړ نن د کندهار په خاکرېز ولسوالۍ کي د یوه چیک ډېم جوړولو کارونه پیل شوي دي.
د کندهار د کرنې ریاست په یوه خبرپاڼه کې ویلي، چې دا چیک ډېم په غوماشه مانده کلي کې جوړېږي او پر جوړولو یې ۱۷ میلیونه افغانۍ لګښت راځي.
د دغه ریاست په خبرپاڼه کې راغلي، چې د دغه چیک ډېم په جوړولو کې ۴۰ کسانو ته د کار زمینه هم برابره شوې او کارونه به یې په څلورو میاشتو کې بشپړ شي.
دا پداسې حال کې ده، چې تر دې وړاندې د یاد پروګرام د پروژو مسئول جېسن هانډينا د کندهار له پخواني مرستیال والي حیات الله مبارک سره په لېدنه کې ویلي و، چې د کندهار ولایت په خاکرېز، غورک، تخته پل او سپین بولدک ولسوالیو کې څلور چیک ډېمونه جوړوي.