سمسور

فاریاب کې یخ ۲ کسان وژلي

• 1 اونۍ دمخه (06/01/2025)
• شریف الله ولیزاد
• 48

د فاریاب ولایت د امنیې قومندانۍ مسئولینو ویلي، چې د یاد ولایت په تربند ترکستان سیمه کې د یخ له امله دوه کسان وژل شوي دي. 

د یادې قومندانۍ ویاند مهدي عدالت سمسور نیوز ته ویلي، یاد کسان کوهستان ولسوالۍ ته د کار تللو پر مهال وژل شوي، چې له ډلي یې د یوه کس جسد موندل شوی؛ خو د پاتې بل کس جسد تر اوسه لادرکه دی. 

په خبرپاڼه کې راغلي، چې له دغو کسانو سره څلور سره غواګانې هم تلف شوي دي. 

ویل کېږي، چې د یادو کسانو له ډلې یو کس د یاد ولایت د پښتونکوټ ولسوالۍ اوسېدونکی؛ خو د دوهم کس هویت تر اوسه نامعلومه دی.