د اغلۍ رحيمه پشتونجار شعرونه
رحيمه پشتونجار دمرحوم ملا جان پشتونجار لور دکابل دشاه شهيد په سيمه کې په يوه روښان فکره کورنۍ کې زيږيدلې ده ، خو اصلي ټاټوبې يې دکاپيسا ولايت د تګاب ولسوالي ده. لومړنۍ زده کړې په کابل کې دبي بي شمسو په ښوونځي کې سرته رسولې او وروسته د کابل امنه فدوي له لېسې څخه په عالي درجه فاغه شوې ده .
دکابل پوهنتون دوترنري پوهنځي محصله وه ، خو په هيواد کې دجګړو له کبله يې لوړې زده کړې نيمګړې پاتې شوې او پرديسۍ ته يې مخه کړه . کابو شل کاله کيږي ، چې دجرمني دمونشن ګلاد باخ په ښار کې استوګنه ده .
رحيمه پشتونجارلاپه ماشومتوب کې دشعرونو د لوستلو او ليکلو ليواله وه . په لومړيو وختونو کې يې دوه بيتۍ او څلوريزې ليکلې ، خو له لسو کلونو راهيسې يې د غزلونو او ازادوشعرنو دليکلو لړۍ پيل کړې ده او اوس مهال يې چاپ ته يوه ټولګه چمتو ده .