ښاغلي اباسين يوسفزي شعرونه
شاعراوليکوال اباسين يوسفزی شاوخوا ۴۵ کاله وړاندې دملکنډ ايجنسۍ ددېر د خان پورکلی کې نړۍ ته راغلی دی.
لومړنۍ زده کړې يې پخپله سيمه کې وکړې ، دلوړوزده کړولپاره پېښورته ولاړاو پښتوژبه کې يې دډاکټرۍ ترکچې زده کړې و کړې. دپېښورپه اسلاميه کالج کې دپښتوڅانګې مشروۀ.
د پېښور په پوهنتون کې هم د پښتو ژبې ښوونکی و او په بېلابېلو برخو کې يې د زده کوونکو د ليليو له سرښوونکي نيولې بيا د کرېکېټ کلب تر مشرتابه پورې دندې تر سره کړې دي.
د ښاغلي يوسفزي دوه کتابونه چاپ شوي دي چې يو يې غورځنګونه او بل يې الوت نوميږي .نوموړي د سپرمراد نيازوف د روحنامې اثر په پښتو اړولی او په بېلابېلو ورځپاڼو او مجلو کې يې مقالې هم ليکلې دي .
دوحدت اومشرق په ورځپاڼو ، دمشعل اوخيبر په مجلو اودخيبرتلويزيون اوپيښور راډيولپاره يې ليکنې ديادونې وړدي.
دبيلابيلوشاعرانو اوليکوالوپه سلوکتابونويې کره کتنې ليکلې دي. دغني خان اوليکوالودټولنې غړى اودهيواد اوخيبرمجلومسول مديرهم پاتې شوى دى.
دښوونځيو د٩ مو او١٠ موټولگيو دزده کوونکولپاره يې پښتوکتابونه ليکلي دي. اباسين يوسفزي درحمان بابا ادبي جايزه ، په صوات کې دچاچا رحيم بخش جايزه، دپښتانه ادبي ملگري جايزه گټلې اوله ادبي اوټولنيزوموسسونه يې شاوخوا ٥٠ شهادت نامې اومډالونه ترلاسه کړي دي.