خوره مې يې رګ، رګ کې لکه وينه کړې څښتنه(ج)
له سر نه تر پښو مې مينه، مينه کړې څښتنه(ج)
په نه سبب چې زه ورته خړ پړ په کې ښکارېږم
هېنداره مې د يارد زړګي سپينه کړې څښتنه(ج)
زما دغه جنت،جنت هېواد ته د راتلو ﻻر
زورځواکو ته صراط غوندې مهينه کړې څښتنه(ج)
غرور مې اور پسې کړې اوکينه په سيند ﻻهو
ماخپل بنده بې آسه او بې زينه کړې څښتنه(ج)
زما شيرين زوى دغه يوه هيله هم پوره کړې
دا بې مالګې ډوډۍ نور مالګينه کړې څښتنه(ج)