ښکليه يو نظر مې د ژوندون پرکتاب وکړه ته!
بيا مې په زړګى د پرهرونو حساب وکړه ته
خيردى ګرانه ياره ديوې شېبې تسکين ته،خو
پېښه لږ تر ما لکه څپه د درياب وکړه!
جام کې دسپين مخ دې سپينه خوله لکه اوبه راکړه
تږى يمه،تږى دغه کار د ثواب وکړه ته
ستا د بڼو سيخ کې مې دى زړه ستاد بارخو په اور
سوځي درنه سوځي لږ دې پام پرکباب وکړه ته
خيردى مادې خلک بيا په کاڼو باندې وولي
خو د ګلو څانګې يو ګوزار د ګلاب وکړه ته
شرنګ ورکړه بنګړيو ته را واوروه خوږې نغمې
نن خو شه مطرب په مړوند کار د رباب وکړه ته
زړه د شيرين زوى په حقيقت کې دى اوبه،اوبه
ياره تاته چا وې چې پرې شک د سراب وکړه ته؟