هوښيار وګړي ژوندکې دغه لېونتوب نه کوي
دکار په وخت کې لکه ستوري ويښ وي خوب نه کوي
هغه هم وبولو انسان، ورته انسان ووايو؟
چې دې دنيا کې ژوندکوي او مينتوب نه کوي
زاړه اوږدې ، اوږدې سجدې لګوي ( ميسو ) پسې
ځوانان د سرو زرو پروا په زلميتوب نه کوي
زمونږه ټول سړي ، سړي دي،خو دا نه وايم چې
د ښځو خوي نه لري خپلو کې بنتوب نه کوي
ملګرو څوک به مې پيکه بولي هنر او څوک به
خپلو کې وايي شيرين زوى هېڅ سړيتوب نه کوي