سمسور

د حامد کرزي هوايي ډګر کې د امنيتي کمرو نوی سیستم پرانيستل شو

• 4 کاله دمخه (25/10/2020)
• عمران دانش
• 1481

ولسمشر غني د حامد کرزي په نړيوال هوایي ډګر کې د امنیتي کمرو نوی او پرمختللی سیستم پرانیست

ارګ وايي، چې د کمرو دغه نوی سيستم د المان هیواد په مرسته په پرمختللې بڼه جوړ شوی دی.

د ارګ په خبرپاڼه کې راغلي، چې ولسمشر غني د امنیتي کمرو نوی سیستم د یاد هوایي ډګر د معیاري کېدو لپاره فوق العاده مهم او ستر ګام وباله او زیاته یې کړه، د یاد سیستم په فعالېدو سره به په حامد کرزي بین المللي هوایي ډګر کې د مساپرو ځان او مال او د الوتنو امنیت او خوندیتوب ته لا زیاته پاملرنه کېږي او د نشه یي توکو د قاچاق مخه به ونیول شي.