سمسور

افغان ځواکونو هرات کې ۳ طالبان ووژل.

• 3 کاله دمخه (23/03/2021)
• نګینه ارشاد
• 1479

تېره ورځ افغان ځواکونو د هرات ولایت په زاوال ولسوالي کې ۳ طالبان ووژل او ۸ نور یې ټپیان کړل.

له ملي دفاع وزارت څخه په خپره شوې اعلامیه کې ویل شوي، چې افغان ځواکونو تېره ورځ د زاوال ولسوالي په شفیع کلي کې د طالبانو پر ضد عملیات ترسره کړل، چې په پایله کې ۳ طالبان وژلي ۸ نور یې ټپیان کړي او همداشان یې د یادې ډلې ګڼ شمېر وسلې او مهمات هم له منځه وړي.

د سرچېنې په خبره په عملیاتو یاد کلی په بشپړ ډول د طالبانو له شتون څخه پاک شوی.

طالب ډلې لاهم په دې تړاو څه نه دي ويلي.