سمسور

بلخ کې اورلګېدنې سلګونه زره افغانۍ زيان اړولى

• 1 کال دمخه (31/07/2023)
• سمسور نیوز
• 539

د بلخ په مرکز مزارشریف ښار کې د تېلو یوه سرای کې د اورلګېدنې له امله ۷۵۰ زره افغانۍ زيان اوښتى دى.

د بلخ د اطفائیې مدیر عبدالمومن فیاض ویلي، چې دغه اورلګېدنه نن غرمه د مزارشریف ښار څلورمې ناحیې اړوند نواباد سیمه کې د حاجي عبدالحکیم تېلو سرای کې رامنځ ته شوه.

فیاض زیاته کړې، چې دغې اورلګېدنې د سرای مالک ته د ۷۵۰ زره افغانیو په ارزښت زیان اړولی؛ خو د یاد سرای د ۱۰ میلیونه افغانیو په ارزښت نور توکي د بلخ اطفائیې مدیریت له خوا ژغورل شوي دي. 

هغه ويلي، چې په دې پېښه کې چاته ځاني زيان نه دى اوښتى او اور هم مړ شوى دى.