سمسور

سبا ۲۷ میلیونه ډالره لیلامېږي

• 3 اونۍ دمخه (28/01/2025)
• شریف الله ولیزاد
• 40

افغانستان بانک وايي، سبا د یوې داوطلبۍ له لارې ۲۷ میلیونه ډالره لیلام ته وړاندې کوي. 

یاد بانک نن پر خپله ایکس پاڼه لیکلي، چې دا ډالر به د ډالرو په وړاندې د افغانیو د ارزښت د پیاوړتیا په موخه لیلام ته وړاندې کړي. 

یاد بانک پر شرایطو برابرو صرافانو او بانکو ته په اشارې لیکلي، چې خپل غوښتنلیکونه د لیلام ورځي تر پایه تصفیه کړي. 

که څه هم د افغانستان بانک چارواکي وايي، چې د ډالرو په وړاندې د افغانیو د ارزښت بېرته ترلاسه کولو کافي مالي سرچینې لري او دا په روانه اونۍ کې د ډالرو لیلامولو درېیمه داوطلبي ده؛ خو لا هم افغانۍ د ډالرو په وړاندې په ځوړ کې ده.