سمسور

سره میاشت د ۲۸ تنو سوري زړه ماشومانو درملنه کوي

• 2 اونۍ دمخه (03/02/2025)
• شریف الله ولیزاد
• 39

افغاني سرې میاشتې ټولنې خبر ورکړی، چې ۲۸ تنه په سوري زړه ناروغۍ اخته ماشومان یې د درملنې په پار په پلازمېنه کابل کې یو شمېر روغتونونو ته ورپېژندلي دي. 

یادې ټولنې په یوه خبرپاڼه کې لیکلي، چې دا ماشومان یې تېره ورځ شپږو کورنیو روغتونونو ته ورپېژندلي او د درملنې او عملیاتونو ټول لګښت به یې هم د دوی لخوا ورکول شي. 

دا ماشومان داسې مهال د درملنې مرکزونو ته ورپېژندل شوي، چې تېره اونۍ هم یادې ټولنې ۳۱ تنه په یاده ناروغۍ اخته ماشومان د درملنې په موخه په کابل کې یو شمېر روغتونونو ته ورمعرفي کړل.