سمسور

د افغانستان په یو شمېر سیمو کې د سېلابونو راوتلو خبرداری ورکړل شوی

• 1 مياشت دمخه (25/05/2025)
• سمسور نیوز
• 69

د اوبو او برېښنا وزارت د افغانستان په یو شمېر سیمو کې د واورې او باران له کبله د سېلابونو راوتلو خبرداری ورکړی دی.

یاد وزارت په یوه خبر پاڼه کې ویلي چې د غبرګولي له پنځمې څخه تر اوومې پورې د هریرود، هلمند، شمال، کابل او پنج‌آمو په سیندیزو حوزو کې د اوبو کچې لوړېدو وړاندوینه شوې ده.

د اوبو او برېښنا وزارت له خلکو غوښتي چې د سېلابونو پر مهال سیندونو ته له نږدې کېدو ډډه وکړي.

دا په داسې حال کې ده چې د تېرې غویي میاشتې په نیمایي کې په بدخشان کې د سېلابونو له کبله دوه تنه مړه او درې نور ټپیان شوي وو.

د یادونې ده چې په افغانستان کې هر کال د سختو بارانونو او سېلابونو راوتلو له کبله لسګونه تنه ژوند له لاسه ورکوي او سلګونه د استوګنې کورونه او کرنیزې ځمکې ویجاړېږي.