د روسيې او اوکراین مذاکرات؛ نن یې دويم پړاو پیلیږي
- 3 اونۍ دمخه (02/06/2025)
- سمسور نيوز
- 163
ټاکل شوې ده چې نن دوشنبه د ترکيې استانبول ښار کې د روسيې او اوکراین دويم پړاو مذاکرات پيل شي.
دا د روسيې او اوکراین د جګړې راهيسې د مستقیمو خبرو دويم پړاو دی او د دې خبرو لومړی پړاو بیا تېره میاشت همدې استانبول کې ترسره شو، خو کومه پايله يې ورنکړه.
د دې مذاکراتو لومړي پړاو کې د دواړو لوريو د ۱۰۰۰ ـ ۱۰۰۰ نظامي يرغمل شويو پر خلاصون هوکړه شوې وه.
دغه مذاکرات چې نن ترسره کيږي اوکرایني پلاوي مشري به پکې د ياد هېواد د دفاع وزير رستم عمروف او د روسي پلاوي مشري به د پوتين سلاکار ميدينسکي کوي.
دغه خبرې داسې مهال پيليږي چې اوکراين د روسيې يوه لويه هوايي هډه په نښه او څلوېښت الوتکې يې ورته له منځه يوړې.