ماښام مې روژه ماتې وي اکثر
2020-09-21
ستا سترګو کې اثر دی که اثر په میکده کې
ساقی چې ټوله شپه وي شور و شر په میکده کې
په ژبه یې تو بې وي خو په لاس کې یې وي جام
واعظ هم لګولی دی منبر په میکده کې
چې واړه هوښیاران یې لیونی لیونی بولي
هم ده ته خلک وا یي پیغامبر په میکده کې
مستي ٬ مینه ٬ خندا ده پکې نوم د خپګان نشته
کرم د خدای وریږي سراسر په میکده کې
مُلا صاحبه وایه دا ثواب دی که ګناه ده
ماښام مې روژه ماتې وي اکثر په میکده کې
ملګرو د راشد تپوس له هیچا څخه مه کړﺉ
سحر وي په جومات مازیګر په میکده کې
۱۳ جنوری ۱۹۹۷ (څلورمه روژه)
پیښور
کتاب ډیوې