سمسور

توره شپه وه لاټين بل و،زه هم ناست وم نــــــاقراره
ستاخيالونه راسره و،ژړېــــــــدمــــــــــه تـــرسهاره

توره شپه وه،خـــــــامـــــــوشـــي هر خوا خوره وه
دردپه زړه و،غـــــم پــــــــه زړه و ومه هر څه بېزاره

د غم شــــــــــپه وه اوږدېدله،له خپل ځانه وېرېدمه
ستا تصوير تــه مې کتلې،زړه سلګۍ وهل بې واره

چې تصوير دې ښکلومه،زړه زما لږشانې ښه شي
ستا تصويـــــــر لکه کعبه شي ترې تواف کومه ياره

نادان زړه مې نــــاقـرار دى ستا ليدل راځنې غواړي
اى زما د زړه درمـــــــانـــه!يو ځل راشه په دې لاره

د(ځلا)زړګى خو خدايه د بنــګړو په شانې مات شو
دا ټوټې،ټوټې زړګى يــــــې اوس وهي د وينو داره

اغلۍ ځلا دولتزۍ لنډه شعرونه - نور