سمسور

زما دژوند کتاب ته ګـــــــــوره در معلومه به شم
د روڼ تندي جواب تـــه ګــوره در معلومه به شم

وماته زړه کـــــــــې ليوني خيالونه مه ويده وى
دا پښتنې حـجــــاب ته ګوره در معلومه به شم

دخپل ناموس حيامې نغښتې په پروڼي کې ده
دحقيقت حســــــاب ته ګوره در معلومه به شم

زه دمظلومې په غم کې اوښکې څڅومه مدام
تڼاکې زړه خوناب تــــه ګوره در معلومه به شم

يو څوک به ووايي زما دغـــــــــم سندرې پکې
دژوند نغمې رباب ته ګوره درمعـــــلومه به شم

چې ملا تړ دهر رنځوره سره کړمــــــــه په جار
دستومانۍ عذاب ته ګوره در معلومه بـــه شم

دچا په خُله لاسونه نه شمه نيوى بـــــــهادرې
پټ دجهان حساب ته ګوره در معلومه بـــه شم

د اغلۍ بهادره وردګ شعرونه - نور