2020-09-21
مونږ د بدو خوبو روږدي
بد نصيبه...
بد خوبونه مو په برخه رسېدلي
نن مې خوب ليده چې ته وې
خنداګانې وې شوخيانې وې او زه وم
د يوه لوى ښايست په غېږه كې ويده وم
چې راويښ شومه نو سيده
د خوبونو د تعبير ملا ته لاړم
ښكلى خوب مې ورته تېر كړ
په يوه سا، په منډه منډه
ملا سترګې راته چوغې كړې او تريؤ شو
وېل هلكه!
دغه خوب دې شيطاني دى
زما سترګې شوې له اوښكو نه راډكې
ما وېل ولې؟
خدايه ولې...
زمونږ ښه خوبونه واړه
شيطاني وي
زمونږ بد خوبونه واړه
رحماني وي.