2020-09-21
لاره وي ګودر وي سړى وډار شي
هسې زړه اوتر وي سړى وډار شي
څومره که ديار سره تنها وي څوک
بيا هم يو نظر وي سړى وډار شي
دا مخلوق او دا زمان چې وګورې !
څومره چې باور وي سړى وډار شي
ښکلي چې دمرګ په نوم راوتې وي
يو وي که لښکر وي سړى وډار شي
دغه ميخانې دې نورې ړنګې شي
هسې هم که شر وي سړى وډار شي
ټول وجود که بايلې نو څه باک نه وي
زړه ته چې خطر وي سړى وډار شي
داکه وي دامن يا دجنګ پيغام
نو م يې چې خبر وي سړى وډار شي
بس خو چې ( ساحل ) يې کله نه درلود
رود که سمندر وي سړى وډار شي
دکب څلورمه دشپې دولس بجې دازمون صيب کور