یار مې ښکلې په زړه پورې ،راته ګوري
زړه مې ریږدې،زړه مې ښوري،راته ګوري
یو څو ښکلې مې د زړه اسمان کې مېشت دې
بس له ورایه لکه ستوري ،راته ګوري
زه خو دا له خدایه غواړم چې جانان مې
راته ګوري،راته ګوري،راته ګوري
چې جانان مې راکتل نه،ها وخت تېر شو
اوس خبري کوي نوري،راته ګوري
زه دولت ځکه نه غواړمه چې بیا به
ډیر مایوسه، ډیر کمزوري،راته ګوري
وې ځه بل وخت به خوله درکړمه ګوهره
اوس ډیر خلک له هر لوري راته ګوري