زمونږه مينه داسې او زمونږ ياري داسې وه
چې نه څه بله جواري نه بيماري داسې وه
چا چې زما تصوير ليدلی نو په زړه زخمي دی
څه مې څهره داسې وه، څه مې شاعري داسې وه
تا چې په هغه شپه ليدلی يم لا هغسې يم
زما وجود داسې، زما کاريګري داسې وه
مونږه د زړونو په درزا کې سره هر څه ووې
ستا ړنګه غيږه او زما بې قراري داسې وه
ستا د غزالو سترګو هغه يو نظر داسې چې
نه فنکاري داسې وه، نه آداکاري داسې وه
په نيمه شپه د سبا رنګ لالي ليده صابره
څه خو حالات او څه زمونږه لاچاري داسې وه