سمسور

پاتې مې نيمګړې شوه تنكۍ ميــــــنه
ويې رژوله زما سېــــــــــلۍ ميـــــــــــــنه

نه يې دي خندلي لاد ګــــــــــــل په خوله
زړه كې يې ده پاتـــــــــــــې د غوټۍ مينه

اور به شي، لمبه به شــي، لوګۍ لوګۍ
زړه كې مې تودېــــــــــــــــږي لېونۍ مينه

ناست به تنها خــــــــوښ وي له رمې سره
نه لــــــــــري شپـــــانه بې له شپېلۍ مينه

خوښ مـــې په رښتيا روزګار د مينې دى
نــــه لـــــــــــــــري هېڅوك همېشنۍ مينه

ښاغلي قدرت الله حلیم شعرونه - نور