سمسور

بېګاه خو وکړه راته ستورو د لــــــــوګــــــــــــرو کیسه

زمــــــــا د ښــــــکلي وطـــــــن لـــــــرې مساپرو کیسه

د حسن خال یې ورتـــــــــه وړی د ښکـــــــــاري مرمیو

ځـــــالـــــــــې دي ورانـــــې په ژړا شوه د کوتروکیسه

وایي چې نه مري د قاتلو لـــــــــه کـــــــــوڅـــو راغلي

داسې یې وګڼه جــــــانـــــــانــــه د کــــــــوډګرو کیسه

څومره سخت زړي دي د خپلې مورپښې پءې کوي

د هوسۍ خوله کې وچه شــــــــوې د نښــــترو کیسه

مایې قامت د سیوري ولید چې لــــــــه غره نه دنګ و

دلته کېدله په دې کلي کـــــــــــــې د زغـــــــــرو کیسه

خدایه دا څومره توپـــــــــاني بــــــــــادونه راغلل دلته

اوس خو څوک نه کـــــوي پـــــه لاره د ګور ګرو کیسه

موږ یې د هیلو په غــــــوټیـــــــــــو کې ماښام تېر کړی

د سین څپو کې هم اوس نــه شـــــــــته د سندرو کیسه

ښاغلي قاضي احسان الله شعرونه - نور