دخمارو سترګو نظر راځنې مه سپموه
تش د سورکو شونډو خبر راځنې مه سمپوه
که ژوندون اخلې ما لامخکې قربان کړی له تا
دنيا دې ستاوي يو دلبر راځنې مه سپموه
بې وفانه شې په مزل کې مې يوازې نه کړې
ژونده د دې پيرزو ګدر راځنې مه سپموه
قدمه لږ څه مېړنی شه لاره لنډه ښکاری
بې همتی ده خپل اثر راځنې مه سپموه
يوګوټ اوبه د ژوندانه څښمه د شونډو جام کې
په دغه لاره کې هنر راځنې مه سمپوه
دغزل توری به ګلونه ستا د زلفو کړمه
دقتيل مينې خپل شرر راځنې مه سپموه
ګرجستان ــ پسواند اليتفوند هوتل
۲۰ اکتوبر ۱۹۸۸