لږ راستنه ښکلی په لاره شه چې زړه مې ښه شي
يو څه معطل زما له پاره شه چې زړه مې ښه شي
پوهيږم تاته به تکليف شی که نظر راستون کړې
زکات د حسن ته تياره شه چې زړه مې ښه شي
اغزن نظر دې په مين زړګي لږ ښه وټومبه
سالو کې ورو ، ورو را دوڅاره شه چې زړه مې ښه شي
ويشتلی زړه د خپلو شونډو ګل کې ښه ونغاړه
دغه غريب ته پر ستاره شه چې زړه مې ښه شي
دا ستاد ورځو تيغ وژلی زړګی چاته يوسم
قتيل زړګی ته مدد ګار شه چې زړه مې شه شي
ګرجستان ــ پسونداليتفوند هوتل
۲۰ اکتوبر ۱۹۸۸