2020-09-21
د خټک صيب د غزل په اقتفا
قدم به په اغزونو پورته کوو مخکې به ځو
له سترنزو ډکه لار به لنډوو مخکې به ځو
له تورو شپو وتل په ځانځانې کې محال ښکاري
لاسونه به یو بل ته ورکوو مخکې به ځو
اغزو، نه ډکو دښتو کې مزل د قدم وياړ دی
په ځای به يې ګلان زرغونوو مخکې به ځو
باک نشته که ځوانۍ د سرو ګلونو مو خزان شي
ژوندون له بيوزلۍ نه خلاصوو مخکې به ځو
شملو د لوپټو د پت په لاره کې سرايښی
سرونه به په پت قربانوو مخکې به ځو
د نرميړنی هوډه وطن پت درځنې غواړي
غرور د جابرانو ماتوو مخکې به ځو
شملو ته چې سپک ګوری په ټکبرو سوداګری کا
غوږونه د وختونو تا وو ؤ مخکې به ځو
په هو د شمله ورومې سوکند دی پورته کړې
قتيله خپل ارمان پوره کوو مخکې به ځو
کابل ۱۳ـ ۳ ـ ۱۳۶۷