لوړه شمله د پښـــتون تـــــــل غواړمه
له پيــــښوره يې تر کابــــــل غواړمه
بـاغ دګلـويې کړې سمـــسور په مينه
هــر چـــــــــمن ته يــې بلـــــــــبل غواړمه
ويجاړ يې مه کړې نور اوربــل د پيغلو
ګل د ګلاب يې په تور اوربــل غواړمه
دوطن دښـــتې کړې شـــــنې او زرغـون
پــه وچـــه تيــــږه يې هم ګـــــل غــواړمه
پيدا کړې بيا پشان داحمدوخوشحال
پدغه خاوره نه پرنګ نه مغـل غواړمه
آرمان پوره کړې د ارمانجنې مورکۍ
په غيږ يې ځلمي د تور کاکل غواړمه
ژړا کـړې ورکــــه د افغـــان لــه باغه
په خـــوله خــــندا دهر سنـــبـــل غــواړمه
ورک کړې (نجـــيــــــب ) نفاق له پښتون
ورورولې مينه يې يو تر بـــــل غواړمه
18-12-04