سمسور

 لکه د اوښکو په شان کور جــــــــــوړه وم
ستا ګرېوانه کې ځان ته ګور جـــــــوړه وم

د لېونتوب ثبوت مـــــــــې دا ومـــــــــــــنه
چې شنو انګورو نه سور اور جـــــــوړه وم

يوه ټپه کــــــــې دې يــــــــادومـــــــه لږه
تاته هم ځان په شان پېغور جــــــــوړه وم

دا مې فطرت د پښــــــــتون خـــوی وګڼه
چې يو شر خلاص نه وي لا نور جوړه وم

يو بغـــــاوت تــــه مـــــــې يارانو زړه دی
د اټک زړه کې ځــــــــای په زور جوړه وم

د ښاغلي اجمل اټک يوسفزي شعرونه - نور