د جنتو پرښتې
پــــــــــر اهريـــــمنــــــو شپـــو مې بري د سپېدو پرښتې
د اهورا د لمر مزدک د پـــــــــلوشـــــــــــو پـــــــــرښـــتــې
ستا د ګلپېغلو تورو سترګـــــــــو د خـــــــوبـــونـو الهام
راوروي د ســــــــرو غـــــــــزلـــــــواو نغمـــــــوپـــرښــتې
د اسمـــــــانــي ښـــايـــست ښکلا سراسري سيالۍ کې
تا ميدان وړی دی لـــــــــه واړو پـــــرښتــــــو پــــرښتې!
د رقيبانو ساتل مــــــــه بــــــــويــــــــــه ګنــــــاه ده ګـــلې
درکره نه راځي له ډاره بــــــيا د سپـــــــــــو، پــــــــرښـتې
پر بېګناه برخليک راکاږي د ګنـــــــــــاوو کــــــرښــــــې
دي څه بې نياوې مــــې پـــاس ناستې پر اوږو پرښتې!
که خپل ځايناستی يې ټــــــــاکـــــلم نــــه، پر دې اوېجه
ولې يې ماته اړاېستلې پـــــرسجــــــــدو پــــــرښتـــــې؟
چې ښي او کيڼ ته، مخکې وروسته هسې مـلي راسره
دا مې کړي څار پر ګرځېدو راګــــــــرځېــــدو پــرښتې!
زه ازمـــــايــــــــــلی خـــــــو پــــــوره د دې جهان دوزخ يم
څه که لار څاري مــــــــــــې د بــــــــل د دوزخـــوپـــرښتې
په څاه کې ځوړندې له ژبو تر قيـــــــــامــــــت د بــــابـــل
څه ځمکنيانو کړې اخته پر بدو کـــــــړو پــــــــرښــــتې!
دي انسانان د پرښتو ژوو تر منـــــــــــځه يـــــــوځېــــــل
په بدو کړو شي ځناور او په ښو کــــــــړو پــــــــــرښتــې
که يې شداد د درغــــــلي جـــــــــــــنت پـــــــــر وره دروي
زخمي زخمي دي د فــــــــرعـــــــــون پـــــه توبرو پرښتې
د حـــوا لوڼو ته د ځمکې د پيدا په سترګه و مه ګورئ
دا رالېــــــــږلــــــــې خـــــــدای له هسک د جنتو پرښتې
کاش د بې مرګه ژوند په پار، پرځای د مرګ استازو،
واخلي مې ساه د مينه وړو ښــــــــايستــــــو پـرښتې!!؟
اکسفورد،28-12-06