دلته چې نوم څوک د عشق واخلى په سزا وخيژي
مونږه چې چاله زړگى ورکړو بې وفا وخيژي
مونږه چې کوم مشر پيدا کړو په دې خپل وطن کښې
عمر يې کم شي د دښمن په لاس ترې ساه وخيژي
اول کښې لاپي وهي زه به دا وطن جوړ کړمه
چې په تخت کښينې يا ايجنټ شي يا بلا وخيژي
ډير پاچاهان په کښې تير شوي او تيريږي به لا
يو نيم په کښې لکه ميرويس او احمد شاه وخيژي
"اکرامي" نور دې زړگې مه خوره په قراره کښينه
اول خو ښه وي چې په تخت شي د بل چا وخيژي