د بښنې نړوال سازمان: د افغان مېرمنو حقونه باید د نړۍ په لومړیتوب کې وي
- 3 کاله دمخه (28/11/2021)
- سمسور نیوز
- 1027
د بښنې نړیوال سازمان وایي، د طالبانو حکومت پرمهال د ښځو د حقونو خوندیتوب باید د نړۍ د هېوادونو په لومړیتوب کې وي.
دغه سازمان د یوې غوښتنې په خپرولو سره ویلي، چې د ښځو د تېرو شلو کلونو لاسته راوړنې د طالبانو تر واکمنۍ لاندې له خطر سره مخ دي.
دې سازمان دغهراز ویلي، د نړۍ هېوادونه باید د طالبانو تر واکمنۍ لاندې د ښځو حقونه د خپل تعامل په لومړیتوب کې ولري.
دا غوښتنه په داسې حال کې مطرح کېږي، چې د طالبانو له واکمنېدو راهیسې ډېری ښځینه کارکوونکو خپلې دندې له لاسه ورکړې او په ډېری ولایتونو کې له نهم ټولګي پورته نجونو لپاره ښوونځي هم تړلي دي.