2020-09-21
مسکی شي لکه ګل چې داشنا غیږ ته ور ځم زه پرخه له خوښي شم په ژړاغیږ ته ور ځم
مین کــــــه ګنهګار وي دګــــــــنا غیږ ته ور ځم ورځم لکه بړ بوکه په نڅاغیږ ته ور ځم
پیغام د اداګانوئې چې لولــــــــــم په ککو کې لفظونه شي بې وسه دمعنا غیږ ته ور ځم
هرڅوکه دحالاتو له ګرداب ســــاحل ته وزم بیا هم لکه موجونه د دریا غیږ ته ور ځم
مفهوم دزنـــــــدګي پسې چې ګـــرزمه حسنه معنا شي رانه ورکه د معما غیږ ته ور ځم