سترګې دې بیاراته هندارې نه شوې
پیغلې جذبې پکې سینګارې نه شوې
په پخواني نظر دې ونه کتل
له زړه نه زړه ته جوړي لارې نه شوې
ستاسي هم ختم تهمتونه نه شول
زمونږ لمنې هم داغدارې نه شوې
یوا زې شعر اوطبابت خونه دی
رانه هم پاتې نور ې چارې نه شوې
اوښکو ته يې جوړي کړې په مخ مې لارې
دبڼو څوکې دې هوښیارې نه شوې
ټولې خبرې مې په زړه پاتي شوې
شونډې مچکو نه اوزګارې نه شوې
نن يې بې باکه ورکتلي نه دي
چې د(حسن) جذبې خمارې نه شوې