سمسور

 که ځان مې لږ شانې خمار کړو دنیا نه ړنگیږي

که یو ماښام رانه چا ځار کړو دنیا نه ړنگیږي

هغه چې ټول ژوندون ئې تیر په انتظار باندې دی

هغه سړی مې که نه یار کړو دنیا نه ړنگیږي

شونډې سکروټې کا قیمت د ښائست کم چې نه کړې 

په ما ئې بل که سور انگار کړو دنیا نه ړنگیږي

دلته کښې هر سړی لگیا دی ثوابونه گټي

ما که نن خپل ځان گنگار کړو دنیا نه ړنگیږي

دغه د ستور دی ددی خلکو د مودونه روان

که نن ئې بل مئین سنگسار کړو دنیا نه ړنگیږي

منگله! راشه چې په تار د زلفو درکړم جوټی

یوسړی ما که نن په دار کړو دنیا نه ړنگیږي

د ښاغلي اسیر منگل شعرونه - نور