تورې ، تورې شپې دنيا کې نور څـــــــه دي؟
دغې هديرې دنيا کې نــــــــــور څـــــــــه دي؟
يو ته يې جانانه اوبـــــــــــــل يـــــــــــوزړګى
ماسره په دې دنيا کې نــــــــــور څــــــه دي؟
ژوندپه کې کومه بې مـــــانــا ژونــــــدون
بس په دغه مړې دنيا کې نور څــــــــه دي؟
پرته له جانانه پکې بـــــــل څــــــــوک دى
غير له ميکدې دنيا کې نور څــــــــه دي؟
اوښکو تل ګرېوان راته ويـــــــنځلى دى
سترګې دي لمدې دنيا کې نور څه دي؟
دادنيا مو وليد لــــــــه تېـــــــره شـــــــوه
صبر چې هغې دنيا کې نور څــــــه دي؟
مړکـــــړه ( الهام ) وسېزه پتنګ يې کړه
بلې کــــــــړه لمبې دنيا کې نور څه دي؟
شمشتو. پېښور پښتونخوا : ٢٠٠٦ ز