چې دغرور له کلي تللى راته ډېــــــــــر ګـــران دى
هغه زما دطبعې ښکلى راته ډېـــــــــر ګـــران دى
زه خويې بولم دفطرت دښکلاګــــــانــــو ټولګه
دښار شاعر يمه اوکلى راتـــــــــه ډېــــر ګران دى
هاغه چې شا شاته راګوري پښه نيولى غوندې
هاغه چې خاندي غلى ، غلى راته دېر ګران دى
زما په زړه کې خو اوسېږي که راځــــــي اوکنه
يوڅوک له دې کلي نه تللى راته ډېر ګــران دى
زما ( الهام ) زما ( الهام ) زما ( الهام ) يادوم
زما جانان زما ښاغلى راته ډېــــــــــر ګران دى
شمشتو . پېښور پښتونخوا : ٢٠٠٦ ز