دنړۍ دي واړه شتۀ له محبت
2020-09-21
جوړپه عشق دى زړۀ بنيادزما
زه شاعريمه دى څوك استادزما ؟
داشناپه مينه روح دى ښادزما
خدايه كړې اباد،دزړه بلادزما
* * *
عاشقي خونه اوبۀ خوري نه يې اور
ګني خوري په زلزلوهم نړۍ شور
ستاحكمت دى ربه عشق دې كړسمسور
محبت كې دې پيداكړڅومره زور
* * *
مينه ښكلي شبګېرې اوخوندلري
دسپېڅلي نور ذرې اوخوندلري
له رازډكې خاطرې اوخوندلري
دخيالونومنظر اوخوندلري
* * *
عشق ژونددى اوسپېڅلى ليونتوب
په نورنولمبېدلى ليونتوب
ښكلى ښكلى دى اوښكلى لېونتوب
له نغموراټوكېدلى لېونتوب
ميخانې اوپيمانې يې دي پيغام
سندريزې دُردانې يې دي پيغام
څه رومان رومان بانې يې دي پيغام
مينه مينه ترانې يې دي پيغام
* * *
خوندخوخونددى اوبس خونددمنيې دى
ژوندڅه ژونددى خوږ خوژونددمينې دى
خوب هم خوب په سپين مړونددمينې دى
شمس نړۍ پېژني رند دمينې دى
* * *
يوښايست دى چې زرګردى دغزل
هم كمال دى هم هنردى دغزل
مين زړۀ خوجادوګردى دغزل
زړۀ رام شوى په منتردى دغزل
* * *
محبت دى چې ارمان راټوكوي
ښايسته ښاپېرستان راټوكوي
څه شوبين شوبين رومان راټوكوي
هم دردونه هم درمان راټوكوي
* * *
دسندروبارانونه وروي
توتاګلې ،ګلابونه وروي
دبوډۍ دټال رنګونه وروي
مينه شمس اوسرابونه وروي
* * *
څه نړۍ نړۍ غزل لري زړګى
سره ګلونه دبخمل لري زړګى
هم سومااوهم څنځل لري زړګى
رنګارنګه ګلاب ګل لري زړګى
* * *
نازاونيازدي هم خواږه له محبت
ياره ته يې اوكه زۀ له محبت
زه خوشمس يمه ټول زړۀ له محبت
دنړۍ دي واړۀ شته له محبت