سمسور

افغان ځواکونو کاپیسا کې ۲۷ طالبان ووژل

• 3 کاله دمخه (04/03/2021)
• نګینه ارشاد
• 1730

تېره ورځ افغان ځواکونو د کاپیسا په نجراب ولسوالي کې د دوه سرګروپانو په شمول ۲۷ طالبان وژلي او ۱۳ نور یې ټپیان کړي دي.

له ملي دفاع وزارت څخه په خپره شوې خبر پاڼه کې راغلي، چې تېره شپه افغان ځواکونو د کاپیسا په نجراب ولسوالي کې عملیات ترسره کړل، چې د حزب الله بدر او ولی الله حظیفه په نوم د یادې ډلې د دوه مهمو سرګروپانو په شمول یې ۲۷ طالبان یې ووژل.

د سرچینې په خبره په یادوه عملیاتو کې د طالبانو له لوري ۳۶ حلقې بوشکه يي ماینونه، د طالبانو ۶ پټنځایونه او ګڼ شمېر وسلې او مهمات له منځه وړل شوي دي.

باید یاده شي، چې تېره ورځ بیا د هېواد په نورو ۴ ولایتونو کې هم ۵۴ طالبان وژل شوي وو.