سمسور

افغان ځواکونو تېرو ۲۴ ساعتونو کې ۵۷۲ طالبان وژلي

• 3 کاله دمخه (08/08/2021)
• سمسور نیوز
• 1145

تېرو ۲۴ ساعتونو کې دفاعي او امنيتي ځواکونو سره متقابل بریدونو او نښتو کې ۵۷۲ طالبان وژل شوي او ۳۰۹ نور ټپيان شوي دي.

له ملي دفاع وزارت څخه په خپره شوې خبر پاڼه کې راغلي، چې دغه طالبان د ننګرهار، لوګر، غزني، پکتیا، پکتیکا، کندهار، هرات، ارزګان، هرات، فراه، جوزجان، سرپل، فاریاب، هلمند، نیمروز، تخار، کندز، بدخشان او کاپيسا ولایتونو کې وژل شوي او ټپیان شوي دي.

د دې په خواکې ۱۴ بېلابېل ډول ماینونه چې طالبانو د هېواد په مختلفو سیمو کې د ملکي خلکو، دفاعي او امنیتي ځواکونو د تګ راتګ په لارو کې ځای پرځای کړي وو، د ملي اردو  ځواکونو له لوري کشف او خنثی شوي.

همداراز د وسله والو یوه زیاته اندازه وسلې او مهمات هم له منځه وړل شوي دي.

باید یاده شي، چې په دې وروستیو کې د افغان ځواکونو په حملو کې د طالبانو بریدونه په شا تمبول شوي دي.