زرنج کې دوه داعش وسلهوال وژل شوي او یوه ښځینه غړې یې نیول شوې
- 1 کال دمخه (09/04/2023)
- سمسور نیوز
- 714
سمسور نیوز (۲۰وری۱۴۰۲) په نیمروز ولایت کې د داعش ډلې پر یوه پټنځای عملیات شوي، چې پر مهال یې دوه تنه وژل شوي دي.
د راپورنو له مخې، دغه عملیات نن سهار د نیمروز مرکز زرنج ښار د دریمې ناحیې اړوند په «سیدآباد» سیمه کې تر سره شوي دي.
ویل کېږي، د یاد عملیات پرمهال د امنیتي سرتېرو او داعش وسله والو ترمنځ نښته هم رامنځ ته شوې ده.
سیمه ییزو چارواکو ویلي، په دغه عملیات کې د داعش ډلې دوه غړي وژل شوي او یوه ښځه او دوه ماشومان یې نیول شوي دي.
بل لورته داعش ډلې تر دا مهاله په دې اړه څه نه دي ویلي.