سمسور

کندهار کې د تېلو ټانکۍ چاودنې یو کس وژلی

• 1 کال دمخه (05/09/2023)
• سمسور نیوز
• 422

د کندهار ښار په دریمه حوزه کې د تېلو یوې ټانکۍ د چاودنې له امله یو کس وژل شوی دی.    

د کندهار امینه قوماندانۍ مسؤلین وایي چې دا پېښه نن سهار د ښار اړوند په «ښکاپر دروازې» سیمه کې رامنځته شوې ده. 

سرچینې زیاته کړې، چې یاده چاودنه د روح الله په نامه د یوه فلزکار په دوکان کې رامنځته شوې، چې له کبله یې نوموړی ټپي او روغتون ته پر لاره یې ساه ورکړې ده.

سرچینې ویلي، چې په دغې پېښه کې د روح الله پرته نور چاته زیان نه دی رسېدلی.  

ډیری وخت دا ډول پیښې د ګازو، پټرولو او نورو سونتوکو سره د بې احتیاطۍ له امله رامنځته کېږي.