تایوان کې نن سهار زوروره زلزله شوې
- 7 مياشتي دمخه (03/04/2024)
- سمسور نیوز
- 295
د تایوان په ختیځ کې نن سهار د ریښتر په کچه ۷،۴ درجې زلزله شوې.
د امریکا د ځمکې پېژندنې ادارې د معلوماتو له مخې، د دغې زلزلې مرکز د تایوان په جنوب هوالین ښار کې و.
تر اوسه د یادې زلزلې د ځاني زیانونو معلومات نشته؛ خو د څونامي خبرداری ورکړل شوی دی.
د تایوان رسنیو د زلزلې د سیمو انځورونه خپاره کړي، چې ښیي ګڼ شمېر کورونه ویجاړ شوي دي.
د راپورونو له مخې، د زلزلې ټکانونه د تایوان سربېره په ګاونډیو هېوادونو چین او جاپان کې هم احساس شوي دي.
له ۱۹۹۹ کال وروسته دا په تایوان کې د دې شدت لومړۍ زلزله بلل شوې.
د ۱۹۹۹ کال په زلزله کې ۲۴۰۰ کسان مړه او ۵۰۰۰ کورونه نړېدلي وو.