ناپېژندو وسلهوالو کاپیسا کې یوه مور او د هغې دوه ماشومان وژلي
- 5 مياشتي دمخه (10/05/2024)
- سمسور نیوز
- 266
په کاپیسا کې یوه مور او د هغې دوه ماشومان د ناپېژندو وسلهوالو له لوري په ډزو وژل شوي دي.
د یاد ولایت د امنیه قوماندانۍ ویاند عبدالفتاح فایز ویلي، چې پېښه تېره ورځ ناوخته د محمودراقي ښار لومړۍ حوزې په مربوطات کې رامنځ ته شوې.
د فایز په خبره، پولیسو د پېښې په اړه څېړنې پیل کړې دي. تر اوسه د پېښې انګېزه نه ده روښانه شوې.
په دې وروستیو کې په هېواد کې د مرمزو او هدفي وژنو پېښې زیاتې شوې دي.
د یادونې ده، چې دوه ورځې وړاندې په فاریاب کې هم یو ۷۰ کلن سړی او د هغه زوی د نامعلومو کسانو له لوري په ډزو وژل شوي وو.
په هېواد کې د دا ډول پېښو لاملونه تر ډېره شخصي دښمني ګڼل کېږي.